Të dhënat paraprake tregtare të publikuara nga Byroja Australiane e Statistikave (ABS) tregojnë se suficiti tregtar i mallrave i Australisë arriti në 10.1 miliardë dollarë amerikanë në prill 2021, niveli i tretë më i lartë i regjistruar ndonjëherë.
“Eksportet mbetën të qëndrueshme. Në prill, eksportet u rritën me 12.6 milionë dollarë amerikanë, ndërsa importet ranë me 1.9 miliardë dollarë amerikanë, gjë që e zgjeroi më tej suficitin tregtar”, tha Andrew Tomadini, kreu i statistikave ndërkombëtare në Byronë Australiane të Statistikave.
Në prill, eksportet e qymyrit, naftës, xeherorit të metalit dhe produkteve farmaceutike nga Australia u rritën, duke e çuar eksportin total të Australisë në një rekord prej 36 miliardë dollarësh amerikanë.
Tomardini tha se pas performancës së fortë të eksportit në mars, eksportet australiane të xeherorëve metalikë në prill u rritën me 1%, duke arritur një nivel rekord prej 16.5 miliardë dollarësh amerikanë, që është forca kryesore lëvizëse që eksportet totale të Australisë të arrijnë një nivel rekord.
Rritja e eksporteve të qymyrit u nxit nga qymyri termik. Në prill, eksportet e qymyrit termik të Australisë u rritën me 203 milionë dollarë amerikanë, nga të cilat eksportet drejt Indisë u rritën me 116 milionë dollarë amerikanë. Që nga mesi i vitit 2020, eksportet e qymyrit të Australisë drejt Indisë janë rritur vazhdimisht për shkak të reduktimit të ndjeshëm të kërkesës së Kinës për qymyr australian.
Në prill, rënia e importeve australiane u shkaktua kryesisht nga ari jo-monetar. Në të njëjtin muaj, importet australiane të arit jo-monetar ranë me 455 milionë dollarë amerikanë (46%).